महाबळेश्वर :  लोकनेते भगवानरावजी वैराट साहेब यांच्याअध्यक्षतेखाली विविध सातारा जिल्ह्यातील शासकीय कार्यालयात निवेदन सादर करून कामगारांचे, शोषितांचे, व्यावसायिकांचे संबंधित असणाऱ्या प्रश्नांवरती अधिकाऱ्यांशी वाटाघाटी चर्चा करून सर्वसामान्यांचे प्रश्न मार्गी लावण्यात आले. यावेळी न्यू ईरा स्कूल पाचगणी तालुका महाबळेश्वर व फिदाई अकॅडमी पाचगणी येथील असणाऱ्या कर्मचाऱ्यांवर होणाऱ्या अन्यायाला वाचा फोडण्यासाठी कामगार प्रथा कायद्यांतर्गत त्यांचे हक्क मिळावे. यासाठी सहाय्यक कामगार आयुक्त सातारा यांच्याशी निवेदन सादर करून संबंधित कर्मचाऱ्यांच्या प्रश्नांवरती तात्काळ न्यायनिवाडा न झाल्यास आंदोलनाचा इशारा देण्यात आला. सातारा या ठिकाणी जनतेचे विविध प्रश्न मार्गी लावण्यासाठी सन्माननीय वैराट साहेब यांचे नेतृत्वाखाली  जिल्ह्यातील बहुजनांचे प्रश्न सोडवण्यासाठी जिल्हाधिकारी कार्यालय सातारा येथील मा.थोरवे साहेब यांच्या दालनात जनतेच्या विविध प्रश्नाच्या अनुषंगाने निवेदन सादर करून संबंधित पिडीतांना तात्काळ न्याय देण्यात आले. कराड येथील झोपडपट्टी वासियांचे प्रश्न मार्गी लावण्यासाठी बांधकाम विभाग सातारा येथील असणारे, अधिकाऱ्यांशी निवेदन सादर करून निगडीत प्रश्नांवरती चर्चा करण्यात आली. यावेळी कराड, सातारा, कोरेगाव, महाबळेश्वर, पाचगणी, खंडाळा, शिरवळ, वाई, मांढरदेव, लोणंद, पाटण, खटाव, येथून, बहुसंख्येने न्यायाच्या विश्वासाने साहेबांच्या प्रेमापोटी सर्वसाधारण जनता, सातारा जिल्ह्यातील कार्यकारी पदाधिकारी बहुसंख्येने  उपस्थित होते.