पाटण  :  पाटण तालुक्यातील डाकेवाडी (काळगांव) येथील स्पंदन चॅरिटेबल ट्रस्ट यांच्यावतीने विविध क्षेत्रांत उल्लेखनीय कार्य करणाऱ्या व्यक्ती, संस्था, मंडळे यांना गेले 4 वर्षांपासून "राज्यस्तरीय प्राईड ऑफ स्पंदन अवॉर्ड" देवून गौरवण्यात येते. यंदा संपूर्ण महाराष्ट्रातील 40 व्यक्ती आणि संस्था यांना हा पुरस्कार देण्यात आला.  LOKशाही चॅनेलचे सातारा जिल्हा प्रतिनिधी प्रशांत जगताप यांचाही या पुरस्कारामध्ये समावेश होता. सिक्कीमचे माजी राज्यपाल, खा.श्रीनिवास पाटील यांच्या हस्ते "राज्यस्तरीय प्राईड ऑफ स्पंदन अवॉर्ड" देवून गौरवण्यात आले.. यव कार्यक्रमाला सुप्रसिध्द शिवव्याख्याते प्रा.अरुण घोडके, प्रेरणा सवंर्धन तज्ञ/परिवर्तन संस्था सातारचे किशोर काळोखे, शिवचरित्र आणि संभाजी महाराज चरित्र अभ्यासक ह.भ.प. प्रा.डाॅ.प्रदीप पांडूरंग यादव, प्रा.ए.बी.कणसे, महात्मा गांधी विद्यालय, पाचवडचे कलाशिक्षक बाळासाहेब कचरे, कलाशिक्षक जयंत कदम, अभिनेते रवि साळुखे, अभिनेत्री सुनंदा शेंडे, रेश्मा डाकवे, गयाबाई डाकवे, राजाराम डाकवे आणि अन्य मान्यवर यांनी हे पुरस्कार प्रदान केले. दरम्यान, खासदार श्रीनिवास पाटील यांना यंदाचा "स्पंदन जीवन गौरव पुरस्कार" देण्यात आला. डॉ. संदीप डाकवे यांच्या मार्गदर्शनाखाली स्पंदन ट्रस्ट ने आतापर्यंत शेकडो सामाजिक बांधिलकी जपणारे उपक्रम राबवत समाजमनावर आपली छाप उमटवली आहे.