फलटण : खटकेवस्ती ता. फलटण गावचे हद्दीतील आसू – फलटण रोड जाणारे रस्त्यापासून खाली असणाऱ्या दीड एकर डाळिंब शेतातील २ टन डाळिंबाची मोठी फळे अज्ञात चोरट्याने चोरुन नेहली आहेत.

                     याबाबत फलटण ग्रामीण पोलीस ठाण्यातून मिळालेल्या माहितीनुसार व फिर्यादी अमोल बापूराव खटके ( वय ४४ वर्षे व्यवसाय शेती राहणार खटकेवस्ती ता. फलटण ) यांनी दिलेल्या फिर्यादीनुसार दिनांक २० सप्टेंबर रात्री ९ ते दिनांक २१ सप्टेंबर सकाळी ९.३० वाजणेच्या दरम्यान खटकेवस्ती गावचे हद्दीतील आसू – फलटण जाणारे रोड पासून खाली असणारे दीड एकर क्षेत्रातील जमीन गट नंबर ५६/२ मधील शेतातील ३०० डाळिंबाच्या झाडाची मोठी मोठी फळे अंदाजे २ टन वजनाची ६० हजार रुपये किंमतीची डाळिंबाची फळे कोणीतरी अज्ञात चोरटेने तोडून चोरून नेले आहेत.

                  अज्ञात चोरट्याविरुद्ध फलटण ग्रामीण पोलीस ठाण्यात गुन्हा दाखल करण्यात आला असून पुढील तपास सहायक फौजदार सूर्यवंशी करत आहेत.