भुईंज : जोशीविहीर येथे विवाहितेचा छळ केल्या प्रकरणी विवाहितेने गळफास घेऊन आत्महत्या केली, कुटुंबातील तीन जणांवर विवाहितेचा मानसिक शारीरिक छळ केल्याप्रकरणी गुन्हा दाखल करण्यात आला आहे. कुटुंबातील दोन जणांना भुईंज पोलीस ठाण्याने अटक केली आहे. 
विवाहिता अनिता विशाल चव्हाण यांना चारित्र्याचा संशय घेऊन तसेच माहेरून व्यवसायासाठी दहा हजार रुपये घेऊन ये असा जाच हाट सासरच्या विशाल सुरेश चव्हाण, सासरे सुरेश वसंत चव्हाण ,सासू अंजू बसंती सुरेश चव्हाण ,सर्व मूळ गाव जोशिविहिर, ता, वाई हल्ली राहणार धोम पुनर्वसन यांनी वेळोवेळी तिला मारहाण शिवीगाळ दमदाटी करून तिचा शारीरिक मानसिक छळ ते करत होते. 
या सर्व जाच-हाट छळास कंटाळून तिने आपल्या मूळ राहते घरी जोशिविहीर तालुका वाई येथे गळफास घेऊन आत्महत्या केली याप्रकरणी कुटुंबातील सासू-सासरे व पती अशा तीन जणांविरोधात भुईंज पोलीस ठाण्यामध्ये गुन्हा दाखल करण्यात आला आहे. अधिक तपास रत्नदीप भंडारे पोलीस उपनिरीक्षक करत आहेत