उंब्रज : उंब्रज ता कराड येथील पोलीस स्टेशनचे कर्तव्यदक्ष सहाय्यक पोलीस निरीक्षक माननीय श्री अजय गोरड यांच्या प्रशंसनीय कामगिरीबद्दल सातारा जिल्ह्याचे पोलीस अधीक्षक माननीय श्री अजय कुमार बन्सल यांनी बुधवार दिनांक १४ सप्टेंबर रोजी सातारा येथील अधीक्षक कार्यालया मध्ये प्रशंसापत्र देऊन सन्मान केला.
कर्तव्यदक्ष सहाय्यक पोलीस निरीक्षक माननीय श्री अजय गोरड हे दिनांक ११ ऑगस्ट २०२२ रोजी नाईट राउंड करीत असताना पाण्यातील समर्सिबल मोटार चोरणाऱ्या चार आरोपींना मुद्देमालासह जेरबंद करून २४५०००/- रुपये किमतीचा मुद्देमाल हस्तगत करून उंब्रज पोलीस स्टेशन मध्ये गुन्हा रजिस्टर नंबर ३३२/२०२२. भा द वि ३७९,३४ प्रमाणे गुन्हा दाखल केला होता. तसेच दिनांक ३१ ऑगस्ट २०२२ रोजी उंब्रज पोलीस स्टेशन हद्दीत नाईट राउंड करीत असताना दरोड्याच्या तयारीत असणारी सांगली जिल्ह्यातील रेकॉर्डवरील अट्टल गुन्हेगार टोळी जेरबंद करून त्यांच्याकडून १,२००००/- रुपये किमतीचा मुद्देमाल हस्तगत करून गुन्हा रजिस्टर नंबर ३६८/२०२२ भादवि ३९९,३०२ सह आर्म ॲक्ट प्रमाणे गुन्हा दाखल करून पाच आरोपींना काही तासातच जेरबंद केले होते. तसेच उंब्रज पोलीस स्टेशनमध्ये गुन्हा रजिस्टर क्रमांक ३६३/२०२२ भादवि ३७६ सारख्या गंभीर गुन्ह्यातील अज्ञात आरोपीचा शोध सीसीटीव्ही फुटेज व आरोपीचे वर्णनावरून घेऊन अवघ्या सहा तासात आरोपीस अटक करून गुन्हा उघडकीस आणला होता.. या सर्व उल्लेखनीय कामगिरीबद्दल उंब्रज पोलीस स्टेशनचे कर्तव्यदक्ष सपोनि माननीय श्री अजय गोरड यांचा सातारा जिल्हा अधीक्षक माननीय श्री अजय कुमार बंसल यांच्या हस्ते सन्मान करण्यात आला असून आपण केलेल्या सेवेचा महाराष्ट्र पोलीस दलाला अभिमान वाटतो. आपण भावी काळातही असेच उत्कृष्टपणे कर्तव्य बजावत रहाल व महाराष्ट्र पोलीस दलाच्या उज्वल परंपरेत भर टाकाल अशी मला खात्री आहे. अशी शब्दसुमनांजली याप्रसंगी पोलीस अधीक्षक माननीय श्री अजय कुमार बन्सल यांनी व्यक्त केली. दरम्यान, या सन्मान सोहळ्यामुळे सपोनि माननीय श्री अजय गोरड यांचे सर्व स्तरातून अभिनंदन होत आहे.