फलटण : फलटण शहरातील पुणे- पंढरपुर रोड लगत असलेल्या रानाडे पेट्रोल पंप शेजारी असलेल्या गॅलेक्सी हॉटेल समोर एका डंपरचा व दुचाकीचा भीषण अपघात झाला. या अपघातात 22 वर्षीय युवती जागीच ठार झाली. काजल धनंजय कुतवळ (रा. चौधरवाडी, ता. फलटण, जि. सातारा) असे ठार झालेल्या युवतीचे नांव आहे‌.याबाबत घटनास्थळावरून मिळालेली अधिक माहिती अशी की, आज मंगळवारी दि. 16 ऑगस्ट रोजी सकाळी 9: 30 वाजण्याच्या सुमारास पुणे- फलटण रोडवर अपघात झाला. पुणे- पंढरपूर रोडवर डंपर क्रमांक (एम. एच.12 एम. व्ही. 4570) जात असताना पाठीमागून येऊन जोरदार धडक दिली.अपघातातील जखमी झालेली काजल हिला फलटण शहरातील खाजगी रुग्णालयात दाखल करण्यात आले होते. मात्र, त्यावेळी संबंधित वैद्यकीय अधिकारी यांनी काजल हिस मृत घोषीत केले.