कराड :  कराड शहरालगत असलेल्या सैदापूर विद्यनगर परिसरात गेल्या अनेक वर्षापासून असलेल्या समस्या मोठ्या असून ज्येष्ठ मार्गदर्शक श्रीनिवास जाधव साहेब यांच्या मार्गदर्शनानुसार आगामी २ वर्षात सैदापूर विद्यानगर परिसरातील एकही समस्या शिल्लक राहणार नाही या परिसरासाठी भाजपाच्या वतीने कोट्यावधी रुपयाचा विकास निधी खेचून आणण्यासाठी आम्ही कटिबद्ध आहोत. असा विश्वास भारतीय जनता पार्टीचे सातारा जिल्हाध्यक्ष आमदार जयकुमार गोरे यांनी दिला. भारतीय जनता पक्षाच्यावतीने १७ सप्टेंबर ते २ ऑक्टोबर हा 'सेवा पंधरवडा' म्हणून साजरा केला जात आहे. या निमित्ताने कराड दक्षिणमध्ये संवाद यात्रेचे आयोजन करण्यात आले आहे, संवाद यात्रेदरम्यान सैदापुर येथील मेळाव्यात ते बोलत होते यावेळी भाजपा प्रदेश कार्यकारणी सदस्य व कृष्णा सहकारी बँकेचे अध्यक्ष डॉ. अतुल बाबा भोसले ,ज्येष्ठ मार्गदर्शक श्रीनिवास जाधव साहेब ,सैदापूरचे माजी उपसरपंच मोहनराव जाधव, जिल्हा परिषद सदस्य सागर शिवदास, भारतीय जनता पार्टी कराड दक्षिण उपाध्यक्ष मुरलीधर जाधव, ग्रामपंचायत सदस्य धनाजी जाधव ,सैदापूर विकास सेवा सोसायटीचे माजी चेअरमन जिजाबा जाधव, सुहास जाधव ,लहूराज जाधव ,बाळासाहेब बागडे, भाजपा कराड शहर महिला आघाडी अध्यक्ष सौ .सीमा घार्गे यांच्यासह विविध मान्यवरांची उपस्थिती होती .
यावेळी सैदापुर विदयानगर येथील अंतर्गत रस्त्याचे उद्घाटन करण्यात आले. यावेळी बोलताना श्रीनिवास जाधव म्हणाले ,महाराष्ट्रात विद्यानगरी म्हणून परिचित असलेले सैदापूर आता प्रगतीच्या दिशेने नक्की पाऊल टाकणार असून सैदापूर गावातील रस्ते करण्यात मध्ये आम्ही यशस्वी झालो आहे .मात्र विद्यानगर हे शैक्षणिक संकुल असून या ठिकाणी असलेल्या अंतर्गत रस्ते ,लाईट,ड्रेनेज व इतर सुविधा यासाठी खूप मोठ्या प्रमाणात निधीची आवश्यकता आहे. यासाठी उपमुख्यमंत्री देवेंद्र फडणवीस उच्च व तंत्रशिक्षण मंत्री चंद्रकांत दादा पाटील व इतर मंत्र्यांच्या माध्यमातून या परिसरातील विकासासाठी निधी उपलब्ध करून दिला जाईल .यावेळी बोलताना भाजपा प्रदेश कार्यकारणी सदस्य डाॅ.अतुल भोसले म्हणाले ,कराड दक्षिण विधानसभा मतदारसंघांमध्ये कोट्यावधी रुपयाची रस्त्यांची विकास कामे श्रीनिवास जाधव साहेब यांच्या विशेष प्रयत्नाने पूर्ण झाली आहेत. या पुढील काळात विद्यानगर मधील एकही प्रश्न शिल्लक ठेवला जाणार नाही वाटेल तेवढा निधी भाजपाच्या माध्यमातून आम्ही देण्यासाठी कटिबद्ध आहोत. या पुढील काळात सैदापूर विद्यानगर परिसरातील ग्रामस्थांनी एक दिलाने राहून भाजपाच्या पाठीमागे एकसंघ ताकद उभी करावी. यावेळी जिल्हा परिषद सदस्य सागर शिवदास यांनीही आपले मनोगत व्यक्त केले यावेळी कार्यक्रमास धनाजी जाधव, जिजाबा साळुंखे, विजय जाधव, संग्राम जाधव, प्रकाश जाधव, शिवाजीराव जाधव, पोलीस पाटील संजय पाटील, लहुराज जाधव, डॉ. सुशांत मोहिते, प्रशांत देसाई, अनिल पाटील,अमोल देशमुख, अजित पाटील गोवारे गावचे सर्व प्रमुख कार्यकर्ते, विदयानगर येथील स्थानिक ग्रामस्थ, जेस्ट नागरिक संघांचे सदस्य सैदापूर ग्रामस्थ स्थानिक मंडळाचे पदाधिकारी कार्यकर्ते मोठया संख्येने उपस्थित होते सैदापूर विद्यानगर परिसरातील विविध गणेशोत्सव मंडळातील कार्यकर्त्यांनी आमदार जयकुमार गोरे व अतुल बाबा भोसले यांचा सत्कार केला कार्यक्रमाचे प्रास्ताविक व सूत्रसंचालन करताना सैदापूरचे माजी उपसरपंच मोहनराव जाधव यांनी विद्यानगर परिसरातील विविध प्रश्न मान्यवरांच्या समोर मांडले मात्र आगामी काळात भाजपाच्या पाठीशी युवा वर्ग ठामपणे उभा असून विद्यानगरचा कायापालट करण्यासाठी मोठा निधी मिळावा अशी मागणी यावेळी त्यांनी केली.